parth Pawar Pune Land scam Sheetal Tejawani : राज्यभर सध्या एकाच गोष्टीची चर्चा सुरू आहे, ती म्हणजे पुण्यातील जमीन घोटाळा. ज्यात उपमुख्यमंत्री अजित पवारांचे सुपुत्र पार्थ पवार यांचे नाव अडकले आहे. याशिवाय या घोटाळ्याची मास्टरमाईंड शीतल तेजवानी ही फरार असल्याचे बोललो जात आहे. जाणून घेऊ याविषयीची संपूर्ण माहीती.
पुणे : 09/11/2025
पुण्यातील कोरेगाव पार्क येथील 40 एकर भूखंड घोटाळा प्रकरणामुळे राज्याच्या राजकीय वर्तुळात एकच खळबळ उडाली आहे. या प्रकणात उपमुख्यमंत्री अजित पवार यांचे पुत्र पार्थ पवार आणि मामेभाऊ दिग्विजय पाटील यांच्यावर गंभीर आरोप करण्यात आले आहेत. पार्थ पवार आणि भागिदार असलेल्या दिग्विजय पाटील यांच्या अमेडिया कंपनी मार्फत हा जमीन व्यवहार करण्यात आला होता. पण यात गंभीर गैरव्यवहार आणि शासकीय नियमांचे उल्लंघन झाल्याचा आरोप करण्यात आला आहे. या प्रकरणामुळे राज्यात राजकारण तापलं असतानाच एक मोठी अपडेट समोर आली आहे.
शीतल तेजवीनी फरार ? (Parth Pawar Pune Land scam Sheetal Tejawani )
पार्थ पवार यांच्याशी या जमिनीचा व्यवहार करणारी शीतल तेजवानी सध्या फरार असल्याची माहीती समोर आली आहे. कोरेगाव पार्क आणि बोपोडी येथील जमीन घोटाळ्यांची मास्टरमाईंड असलेली शीतल तेजवानीविरूद्ध दोन गुन्हे दाखल करण्यात आले आहेत. तिचा फोनही बंद असून ती राहत्या पत्त्यावरही आढळून आलेली नाही. शीतल तेजवानी नवऱ्यासह परदेशात पळून गेल्याचा संशय पोलिसांकडून व्यक्त केला जात आहे. त्या अनुषंगाने बावधन पोलीसांनी विभागाकडून माहिती मागवण्याची तयारी सुरू केली आहे.
कोण आहे ही शीतल तेजवानी ? (Parth Pawar Pune Land scam Sheetal Tejawani)
शीतल तेजवानी आणि सागर तेजवानी हे दांपत्या सेवा विकास बँकेतील तब्बल 60 कोटी रूपयांच्या कर्ज घोटाळ्यात अडकल्याचे समोर आले आहे. सागर सूर्यवंशी (पूर्वीचे तेजवानी) यांनी पत्नी शीतल तेजवानी आणि त्यांच्या कुटुंबियांच्या नावे एकुण 41 कोटी रूपयांची 10 कर्जे घेतली. या सर्व कर्जांसाठी बनावट कागदपत्रे सादर करण्यात आली होती. ही कर्जे सेवा विकास बँकेच्या पुणे आणि पिंपरी-चिंचवड शाखांमधून उचलण्यात आली.
कर्ज घेण्याचे कारण दाखवून देण्यात आलेल्या व्यवसायांमध्ये ती रक्कम वापरली न जाता इतर वैयक्तीक आणि व्यावसायिक कामकाजात खर्च करण्यात आली. या संदर्भातील प्राथमिक ऑडिट 2019 मध्ये सहकार सह आयुक्त राजेश जाधवर यांनी केल्यानंतर हा गैरव्यवहार उघडकीस आला. सागर आणि शीतल यांनी घेतलेली कर्जे मुद्दाम न फेडल्यामुळे 31 मार्च 2021 पर्यंत ही रक्कम 60 कोटी रूपयांवर पोहोचली.
त्यानंतर जानेवारी 2023 मध्ये ईडीने सागर सूर्यवंशीच्या घरी व कार्यालयावर छापे टाकले. मे 2023 मध्ये हे प्रकरण स्पेशल कोर्टात दाखल करण्यात आले. सागर सूर्यवंशीच्या 45 कोटी रूपयांच्या मालमत्ता जप्त करण्यात आल्या. या प्रकरणात ऑक्टोबर 2021 मध्ये प्रथम सीआयडीने आणि नंतर पिंपरी-चिंचवड पोलिसांनी सागर सूर्यवंशीला अटक केली होती. जामिनावर सूटताच, जून 2023 मध्ये ईडीने पुन्हा त्याला अटक केली.
राज्याचे उपमुख्यमंत्री आणि राष्ट्रवादीचे कॉंग्रेसचे अध्यक्ष अजित पवार यांचे सुपुत्र पार्थ पवार यांच्या अमेडिया होल्डिंग्ज एलएलपी या कंपनीवर मोठ्या आर्थिक गैरव्यवहाराचे आरोप झाले आहेत. सुमारे 1804 कोटी रूपये बाजारभाव असलेली जमीन केवळ 300 कोटींना खरेदी केल्याचा गंभीर आरोप कऱण्यात आला आहे. या व्यवराहानंतर केवळ दोन दिवसांतच स्टॅम्प ड्युटी माफ करण्याचे आदेश देण्यात आल्याचाही दावा करण्यात आला आहे. नियमानुसार या खरेदीवर सुमारे 21 कोटी रूपयांचे मुद्रांक शुल्क भरावे लागले असताना, फक्त 500 रूपयांवर व्यवहार पूर्ण झाल्याचे समोर आले आहे. विरोधकांनी या प्रकऱणावर टिकेची झोड उठवत सरकारकडे कारवाईची मागणी केली आहे.
