Pune Land Scam : उपमुख्यमंत्री अजित पवार यांचे सुपुत्र पार्थ पवार आणि दिग्विजय पाटील यांच्या अमेडिया होल्डिंग्स एलएलपी या कंपनीने मुंढवा येथील 17.51 हेक्टर (सुमारे 44 एकर) जमीन बेकायदा विकत घेतल्याचा आरोप आहे. या प्रकऱणात कोणी कोणी काय काय केले याची माहीती जाणून घेऊ.
पुणे : 09/11/2025
राज्याचे उपमुख्यमंत्री आणि राष्ट्रवादी कॉंग्रेसचे अध्यक्ष अजित पवार यांचे सुपुत्र पार्ख पवार यांच्या अमेडीया होल्डिंग्ज एलएलपी या कंपनीने (Pune Land Scam) तब्बल 1,804 कोटी रूपये बाजारभाव असलेली जमीन केवळ केवळ 300 कोटी रुपयांत विकत घेतल्याता गंभीर आरोप होत आहे. या प्रकरणामुळे राज्याच्या राजकीय वर्तुळात मोठी खळबळ उडाली असून, सर्वत्र योग्य कारवाईची मागणी होत आहे.
या जमीन व्यवहाराशी संबंधित निलंबित तहसीलदार सूर्यकांत येवले यांनी मुंढवा परिसरातील ही जमीन अमेडिया होल्डिंंग्स कंपनीला मिळवून देण्यासाठी गेले अनेक महिने प्रयत्न करण्यात आले होते. याविषयीचे पुरावे एका वृत्तवाहिनीला मिळाले होते.
सदर जमीन व्यवहारात मोठ्या प्रमाणात गैरव्यवहार झाल्याची चर्चा असून, तपास यंत्रणा या प्रकरण संबंधित कागदपत्रांची पडताळणी करत आहेत. या प्रकरणात आणखी काही नवे धक्कादायक खुलासे समोर येण्याची शक्यता आहे.
पुणे जमीन घोटाळा प्रकरणातील धक्कादायक बाबी समोर (Pune Land Scam)
पुण्यातील वादग्रस्त जमीन प्रकणातील (Pune Land Scam) धक्कादायक बाब म्हणजे. निलंबित तहसीलदार सूर्यकांत येवले यांनीच ही जमीन अमेडिया होल्डिंग्स एलएलपी कंपनीला मिळवून देण्यासाठी नियोजनबद्ध हलचाली केल्याचे दस्तऐवजी पुरावे समोर आले आहेत.
मिळालेल्या माहितीनुसार येवले यांनी सर्वप्रथम जून महिन्यात बॉटॅनिकल सर्वे ऑफ इंडिया या संस्थेला पत्र लिहून ही जमीन मुळ महार वतनदारांची असल्याचा दावा केला. वतनदार भोगवटा भरण्यास तयार असल्याने त्यांना ती जमीन परत देण्यात येत असल्याचे नमूद करत, संस्थेला ती जागा तत्काळ रिकामी करण्याचे निर्देश दिले होते.
यानंतर, जुलै महिन्यात त्यांनी उपविभागीय अधिकारी कार्यालयात दुसरं पत्र पाठवून, संबंधित जमीन वतनदारांना परत देण्याची प्रक्रिया सुरू करण्याचे आदेश दिले. वतनदारांनी पॉवर ऑफ ॲटर्नी शीतल तेजवानी यांच्या नावावर असल्याने आणि त्यांनीच ती जमीन तब्बल 300 कोटी रूपयांना पार्थ पवार यांच्या अमेडिया होल्डिंग्ज कंपनीला विकल्याने, अखेर ही जमीन अमेडिया कंपनीकडे जाण्यासाठी प्रशासनिक हालचाली वेगाने सुरू झाल्या.
तहसीलदार येवलेची महत्त्वपूर्ण भूमिका (Pune Land Scam)
या संपूर्ण व्यवहारात तहसीलदार येवले यांच्या सक्रिय भूमिकेमुळे, त्यांना हाताशी धरून जमीन हस्तांतरणाचा प्रयत्न गेल्या अनेक महिन्यांपासून सुरू असल्याचे स्पष्ट झाले आहे. येवले यांनी बॉटॅनिकल सर्वे ऑफ इंडिया आणि उपविभागीय अधिकारी कार्यालयाला पाठवलेली दोन्ही पत्रे आता समोर आली असून, तीच या घोटाळ्यातील महत्त्वाचे पुरावे ठरत आहेत.
उपमुख्यमंत्री अजित पवार यांचे सुपुत्र पार्थ पवार आणि दिग्विजय पाटील यांच्या अमेडिया होल्डिंग्ज एलएलपी या कंपनीने मुंढवा येथील 17.51 हेक्टर (सुमारे 44 एकर ) जमीन बेकायदा विकत घेतल्याचा आरोप होत असून, या प्रकरणी खडक पोलीस ठाण्यात 7 नोव्हेंबर रोजी गुन्हा नोंदवण्यात आला आहे.
कोणी केली तक्रार दाखल (Pune Land Scam)
हा एफआयआर पुणे शहराचे नायब तहसीलदार प्रवीण बोर्डे यांनी दाखल केला आहे. तक्रारीनुसार, निलंबित तहसीलदार सूर्यकांत येवले यांनी 9 जून 2025 रोजी उपजिल्हाधिकारी कार्यालयात सहाय्यक संचालकांना पत्र लिहून, संबंधित जमीन रिकामी करून ती अमेडिया कंपनीला देण्यासाठी हालचाल सुरू केली होती. मात्र, येवले यांनी हे पत्र कोणत्या विभागाला पाठवले होते. याचा उल्लेख एफआयआरमध्ये करण्यात आलेला नाही.
एफआयआरमध्ये नमूद केल्याप्रमाणे, ” या पत्राद्वारे येवले यांनी आपले अधिकार बेकायदा पद्धतीने वापरल्याचे दिसते.” या कारवाईमुळे सरकारी मालकीची असलेली जमीन खासगी कंपनीला देण्याचा गंभीर आरोप त्यांच्या विरोधात करण्यात आला आहे.
विशेष बाब म्हणजे, ही 44 एकर जमीन सध्या केंद्र सरकारच्या भारतीय वनस्पती सर्वेक्षण (Botanical Survey Of Indai-BSI) या संस्थेला भाडेतत्वावर देण्यात आली आहे. बीएसआयच्या कार्यालयात काही महिन्यांपूर्वीच ही जमीन रिकामी करण्याचे आदेश दिले होते.
