Pune Nawale Bridge Accident : पुणे शहरात एक मोठा अपघात झाला आहे. पुण्यातील नवले ब्रीजवर भीषण अपघात झाला आहे. नवले ब्रीजवर वाहनांचा अपघात झाला आहे. यामध्ये मोठी आग लागून वाहनांनी पेट घेतला.
पुणे : 13/11/2025
पुणे शहरात एक मोठा अपघात झाला आहे. पुण्यातील नवले ब्रीजवर भीषण अपघात (Pune Nawale Bridge Accident) झाला आहे.नवले ब्रीजवर वाहनांचा अपघात झाला आहे. अपघात झाल्यावर या वाहनांनी पेट घेतला. हा अपघातामध्ये तीन ते पाच जणांना मृत्यू झाल्याची माहिती सध्या समोर येत आहे. घटनास्थळी पोलिस आणि अग्निशमन दलाचे जवान दाखल झाले आहेत.
दरम्यान या घटनेत जखमी झालेल्या लोकांना जवळील रूग्णालयात दाखल करण्यात आले आहे. या घटनेत 3 ते 5 जणांचा मृत्यू झाल्याची माहिती समोर येत आहे. मृतांचा आकडा दाखल वाढण्याची शक्यता आहे.
किती जणांचा मृत्यू ? (Pune Nawale Bridge Accident)
नवले ब्रीजवर 3 ते 4 गाड्यांची धडक झाल्याचे समजते आहे. दोन कंटेनरच्यामध्ये एक कार देखील जळत असल्याचे म्हटले जात आहे. घटनास्थळी पोलिस आणि अग्निशमन दल दाखल झाले आहे. घटना घडतंच या मार्गावरील वाहतूक काही कालावधीसाठी बंद ठेवण्यात आली. समोर आलेल्या माहितीनुसार 3 ते 5 लोकांचा मृत्यू झाला असून, 20 ते 25 जखमी झाले असल्याची माहिती समोर आली आहे.
साताऱ्याकडून मुंबईच्या दिशेने जाणारा एक कंटनेरचे ब्रेक फेल झाल्याने त्याने अनेक वाहनांना धडक दिल्याचे समजते आहे, दरम्यान हा कंटेनर पुढे जाऊन एका कंटेनरला धडकल्याचे समजते आहे. दोन्ही कंटनेरच्या मध्ये कार अडकली आणि तिचा चक्काचूर झाल्याचे समोर आले आहे. काहीजण अजून गाड्यांमध्ये अडकून पडल्याचे (Pune Nawale Bridge Accident) समजत आहे. त्यांना काढण्यासाठी शर्थीचे प्रयत्न सुरू आहेत.
