Alandi PMPML Bus News: एसटी मालकी असलेली आठ एकरांची जागा असून त्यापैकी चार एकर पीएमपीएमएलला हस्तांतरीत करण्यात येणार आहे. या जागेवर सुमारे 80 बसगाड्या थांबू शकतील, असे आगार बांधकामाचे नियोजन आहे.
पुणे : 26/11/2025
पुणे महानगर परिवहन महामंडळ लिमिटेड (Alandi PMPML Bus ) आणि महाराष्ट्र स्टेट रोड ट्रांसपोर्ट कॉर्पोरेशन (एसटी महामंडळ) यांच्या दरम्यान आळंदी परिसरात नवीन बस आगार स्थापन कऱण्याचा निर्णय घेण्यात आला आहे. याअंतर्गत एसटीकडून चार एकर जमीन पीएमपीएमएलला देण्यास मंजूरी मिळाली आहे.
प्रस्तावनुसार, एसटीची मालकी असलेली आठ एकरांची जागा असून त्यापैकी चार एकर पीएमपीएमएलला हस्तांतरीत करण्यात येणार आहे. या जागेवर सुमारे 80 बसगाड्या थांबू शकतील, असे आगार बांधकामाचे नियोजन आहे. या निर्णयामुळे आळंदी आणि आसपासच्या भागातील सार्वजनिक वाहतूक सेवा अधिक प्रभावी होण्याची अपेक्षा आहे. बस आगारामुळे बस रॅपिंग , देखभाल व पार्किंगची सोय सुलभ होईल आणि प्रवाशांना नियमित सेवा मिळण्यास मदत होईल.
स्थानिक वाहनधारक तसेच प्रशासनाने या प्रकल्पाला सकारात्मक प्रतिसाद दिला आहे. आता पुढील टप्प्यात विभागीय आयुक्त कार्यालयातून आवश्यक कागदपत्रांची परवानगी, जागेचे नकाशे मान्यता करणे व बांझकामाचा समावेश होईल. आ प्रकल्पाचे वेळापत्रक आणि बांधकाम खर्च याबाबत अधिक माहिती पुढील महिन्यात जाहीर कऱण्यात येईल, अशी माहिती पीएमपीएमएलच्या अधिकाऱ्यांनी दिली.
पीएमपीचे ‘स्टेरिंग’ ठेकेदारांच्या हातात( Alandi PMPML Bus )
पुण्याच्या सार्वजनिक वाहतुकीचा कणा म्हणून पीएमपीला ओळखले जाते. रोज सुमारे 11 लाख प्रवाशांना आपल्या इच्छित स्थळी पोहचविणाऱ्या या पीएमपीचे स्टियरिंग आता ठेकेदारांच्या हाती जात आहे. सध्या पीएमपीचे स्वमालकीचे 1 हजार 25 बस असून ठेकेदरांचे 1 हजार 173 बस आहेत. येत्या काही महिन्यात पीएमपीएलमध्ये 1 हजार नवीन सीएनजी बस दाखल होणार आहेत. त्यावेळी ठेकेदरांची बस संख्या ही 2 हजार 173 होईल. पीएमपीत ठेकेदारांची वाढते वर्चस्व हे नक्कीच सार्वजनिक वाहतुकीच्या दृष्टीने नुकसानदायक ठरणार आहे.
सध्या किती बस आहेत पीएमपीएलच्या ताफ्यात ( Alandi PMPML Bus )
पीएमपीएलच्या ताफ्यात सध्या एकुण 2,198 बस आहेत. त्यापैकी 1,173 बस ठेकेदरांच्या मालकीच्या आहेत, तर 1,025 बस पीएमपीच्या स्वतःच्या मालकीच्या आहेत. सध्या 490 इलेक्ट्रिक बस, 1,281 सीएनजी बस आणि 227 डिझेल बस पीएमपीमध्ये कार्यरत आहेत.
यापैकी 798 सीएनजी आणि सर्व 227 डिझेल बस पीएमपीच्या मालकीच्या आहेत, तर 490 इलेक्ट्रिक व 483 सीएनजी बस ठेकेदारांच्या आहेत. आता लवकरच 1,000 नवीन सीएनजी बस ताफ्यात दाखल होणार असून त्या सर्व ठेकेदरांच्या मालकीच्या असणार आहेत. त्यामुळे पीएमपीच्या बस व्यवस्थापनात खाजगीकरण्याच्या झपाट्याने शिरकाव होत असल्याचे स्पष्ट दिसून येत.
